24歲樂壇小天王Justin Bieber月前跟21歲前女友Hailey Baldwin復合不久，已經極速訂婚，估唔到，佢兩位原來已經連婚都結埋！
本身是星二代的Hailey細細個就是Justin忠實歌迷，小時候曾透過親友介紹同Justin見面。幾年後Hailey成年，兩人重遇擦出愛火花，不過拍拖一段時間就分手收場。今年頭Justin轉投舊愛Selena Gomez懷抱，當時仲有傳二人有結婚打算，點知六月就驚傳分手。轉個頭Justin火速翻撻Hailey，還要復合不到一個月就送上350萬的訂婚鑽戒向女方求婚，仲話對方係一生摯愛，冧得對方馬上答應。
外界有傳二人原定下年結婚，但近日有人目睹Justin同Hailey出入紐約市政府的婚姻登記處辦理手續。有目擊者更表示，Justin在註冊期間一度激動落淚，對着Hailey情深款款話急不及待要娶她回家。完成手續後，Justin向在場工作人員致謝，感謝他們幫忙低調處理這件事。據知，二人登記結婚後，需要在兩個月內舉行婚禮，以領取正式的結婚證書。不少網民都對二人結婚送上祝福，仲話偶像同粉絲的童話故事終於有好結果。不過早前有指Justin舊愛Selena對於二人復合就有點不以為然，唔知她現在有何想法呢？
圖片來源：互聯網