王君馨（Grace）正忙於拍攝無綫新劇《唐人街》，噚日（5日）Grace踏入33歲，劇組特別為佢以及其他五月之星準備蛋糕。
Grace表示喺拍劇拍到靈魂就快飄走嘅時候，姚子羚突然送上驚喜，即時令佢醒返哂，同時又感謝「功夫男神」伍允龍獻出嘅Sexy Dance，為大家送上歡樂。
Grace於社交網分享多張合照，並寫道 ：「謝謝各位唐人街嘅兄弟姊妹琴日幫我們慶祝生日！很有愛！ 食完蛋糕就Roll機，然後 3，2，1 ，打！」
除咗一班拍檔外，好姊妹鍾嘉欣亦專程上門為Grace慶祝，見嘉欣肉緊地咀壽星女面珠，相當sweet！Grace感動留言：「嘉欣話想喺我生日時送上擁抱，真係好Sweet！好感激佢經常喺我身邊，陪我經歷高低起跌，我會好好珍惜呢段友誼，好愛嘉欣！」佢仲話好多謝嘉欣囡囡Kelly為佢揀嘅生日蛋糕。
圖片來源：王君馨@Instagram