無綫重頭劇《鐵探》自播出後深受觀眾歡迎，該劇平均有28.8點收視，大結局當晚更獲得33點之高，成績斐然！而惠英紅（紅姐）早前揚言若《鐵探》收視過30點，就會以絲襪笠頭「找數」。紅姐向來言出必行，得悉劇集高收後，今日（21日）即現身地鐵站找數。
片中見紅姐緊張地拎起藍色絲襪，佢對住鏡頭大聲話：「我萬晞華到咗一個地鐵站，依家就嚟找數，其實我萬晞華講嘢一定要算數嘅，如果唔係我點樣管治西九總區呢？除咗我找數外，我記得當日記者會，姜皓文（黑仔）都有話過佢找數嘅，黑仔我正式Call你喇，睇你喇，我依家就入去找數喇﹗」
紅姐笠上絲襪後嘅模樣十分惹笑，吸引唔少途人注目，但仍能大方地向街坊打招呼。紅姐又話：「我覺得最緊要開心，如果可以將自己嘅開心share出去。」最後不忘提醒黑仔找數。
圖片來源：互聯網、惠英紅@Facebook