往年農曆新年，Ada一家都會四出拜年，今年有新成員後改變了慣例，Ada說：「有新成員嘛，以前鍾意去人家屋企，今年大家應該去我屋企拜年，新年通常都會叫外賣，叫傳統菜式，例如盆菜，因為我只是做屋企佈置都夠攰，不會特別煮了。不過我是潮州人，鍾意吃些潮州甜品，年初一我必食年糕，睇我咁『高』就知，而老公就話要吃湯丸。」提起湯丸，Ada就透露囝囝的乳名，「他叫『魚蛋』，個頭圓碌碌，剛剛幫他剃了光頭，真係好似粒魚蛋。」張晉說：「我有時會叫『Yogurt』，覺得囝囝有陣乳酪味。」
「魚蛋」出世之後，兩個女兒亦「升呢」做大家姊和二家姊，Ada大讚楚兒和信兒，「女兒真的好乖，生之前一個月，工人姐姐因為母親生病，突然要回鄉，兩位女兒就好乖，每天幫手執碗、開枱食飯，知道我有咗，她們自己校鬧鐘起身，讓我多些時間休息。」問Ada現在有三子女利市，今年應該可以「回本」？張晉搞笑地問老婆：「其實阿女啲利市，你有沒有幫她們儲起㗎？我要代啲女問？」Ada馬上解釋，「利市錢這個問題一定要問我，因為我理錢的，我梗係儲起晒啦！真的有一筆儲起用來做讀書基金，我諗都有幾萬蚊啩？」
兩公婆同樣是大紅人，電影、劇集、廣告接到手痠，問Ada囝囝出世後會否減產？她說：「老公就唔會減產，他是一家之主。我都不會，生兩個之後，都決定如果有自己喜歡的工作也會做，生第三個亦一樣。我是一個好喜歡工作的人，好relax、好開心，反而在家湊仔是正職的話，壓力更大，出去做吓『兼職』好開心，又可以keep住身形和自己個樣，不想變黃面婆。」